Акафист с житием святому пророку ИЛИИ

илия

День памяти:

2 августа (н.ст.)

Тропарь, глас 4

Во плоти Ангел, пророков основание, вторый предтеча пришествия Христова, Илия славный, свыше пославый Елисееви благодать недуги отгоняти и прокаженныя очищати, темже и почитающим его точит исцеления.

Кондак, глас 2

Пророче и провидче великих дел Бога нашего, Илие великоимените, вещанием твоим уставивый водоточныя облаки, моли о нас единаго Человеколюбца.

Кондак 1

Избранный Богом на обращение Израиля от прелести Вааловы, грозный обличителю царей законопреступных, просиявый пламенною ревностию по Бозе Вседержители, святостию жизни и чудесы, восхищенный плотию твоею на Небеса: и предъити имеяй Второму пришествию Христову, похвальная восписуем ти, пророче Божий Илие; ты же, яко имеяй велие дерзновение ко Господу, от всяких нас зол и обстояний молитвами твоими свобождай, благочестно тебе вопиющих: Радуйся, Илие, великий пророче, Втораго пришествия Христова славный предтече.

Икос 1

Ангел ревностию по Бозе и чистым житием твоим, сый во плоти, пророче, был еси: еще бо младенцу ти бывшу, отец твой Совах виде светлыя Ангелы, беседующия с тобою, огнем тя повивающия и пламенем питающия, еже прознаменоваше пламенную ревность твою по Бозе, силу словес твоих и житие, яко свет, непорочное. Сего ради со удивлением зовем ти таковая: Радуйся, от вечности предызбранный в служение спасению сынов Израилевых. Радуйся, от чрева матерня предуготованный в провозвестника Божественныя истины и благочестия. Радуйся, преславным, бывшим на тебе, видением родителя твоего удививый. Радуйся, девственную чистоту и безмолвие от юности возлюбивый. Радуйся, суету мира сего и вся блага его презревый, душу же твою всецело Господу посвятивый. радуйся, светом премудрости от Бога озаренный и учением благочестия издетства напоенный. Радуйся, Илие, великий пророче, Втораго пришествия Христова славный предтече.

Кондак 2

Видя нечестие и развращение во Израили, преславный пророче, зело духом твоим скорбел еси и ревностию по славе Божией воспламенялся еси; яко сынове Израилевы мерзким идолом поклонишася, от Бога же Истиннаго отступиша, Емуже вся Небесная воинства со страхом вопиют: Аллилуиа.

Икос 2

Разум свой злою волею омрачив, беззаконный царь Израильский Ахав, остави Истиннаго Бога Вседержителя и покланяшеся мерзкому идолу Ваалу, купно же и в царстве своем умножи идолопоклонение и нечестие. Ты же, пророче, исполнен сый велия ревности по Бозе, дерзновенно обличил еси царя, возвестив ему, яко в наказание ему и царства его три лета и месяц шесть не будет дождь, ни роса, и глад велий будет по всей земли. Дивящеся убо толицей ревности твоей по Бозе и велию дерзновению, с любовию зовем ти: Радуйся, небоязненный проповедниче истины и крепкий поборниче благочестия. Радуйся, ревностный нечестия обличителю. Радуйся, к наказанию некающихся грешников долготерпеливаго Бога преклонивый. Радуйся, словом твоим небо заключивый и плодоносную землю неплодну сотворивый. Радуйся, трилетный глад за нечестие людей от Господа испросивый. Радуйся, яко Всевышний Господь дарова тебе в бога Ахаву, якоже древле Моисея фараону. Радуйся, Илие, великий пророче, Втораго пришествия Христова славный предтече.

Кондак 3

Силою молитвы твоея, предивный пророче, воистину заключися небо и не одожди три лета и месяц шесть, и бысть глад велий по всей земли, да поне зноем и гладом томими, нечестивии людие покаются и обратятся ко Господу, со умилением зовуще Ему: Аллилуиа.

Икос 3

Имея велие благоволение к тебе, пророче, Господь восхоте отлучити тя от беззаконных сынов Израиля, да не с ними терпиши глад и жажду, и повеле тебе ити к потоку Хорафову, идеже вранове питаху тя, приносяще хлеб и мясо. Темже приносим тебе похвальная сия: Радуйся, постом и бдением вся земная и суетная помышления истребивый. Радуйся, молитвою и богомыслием ум твой в горняя вперивый. Радуйся, патриархов величание и пророков красото. Радуйся, девственников похвало и преподобных славо. Радуйся, святителей наставниче и мучеников крепосте. Радуйся, яко нечестием и неверием ослепленных сынов Израилевых на путь истины обратил еси. Радуйся, Илие, великий пророче, Втораго пришествия Христова славный предтече.

Кондак 4

Буря велия, разрушающая горы, предыдяше, егда приближашеся к тебе, пророче, в Хориве Господь, таже явися трус, и не в трусе Господь, и по трусе огнь, и не во огни Господь, а по огни бысть глас хлада тонка, и ту явися тебе Господь: Егоже присутствие ощутив, покрыл еси лице твое милотию, со страхом и радостию зовый Ему: Аллилуиа.

Икос 4

Слышав нечестивый царь Ахав повеление твое, о еже собрати вся колена Израилева на гору Кармильскую, и привести на ню студныя пророки Вааловы, абие послав, собра вся, и сам прииде тамо. Ты же, ревнителю славы Божия, хотя конечне посрамити мерзкия идолы и прославити Истиннаго Бога, повелел еси уготовати две жертве, огня же на тыя не возгнещати, рек: «И будет Бог, Иже послушает огнем, Той есть Бог». То слышавше вси людие, реша: «Добр глагол Илиин, да будет тако». Мы же, величающе тя, зовем: Радуйся, великий посланниче Царя Небеснаго и провозвестниче святых велений Его. Радуйся, адаманте, неодолимый в ревности и непоколебимый столпе благочестия. Радуйся, сильный защитниче истины и твердый противоборниче врагов Божиих. Радуйся, нечестия искоренителю и насадителю благочестия. Радуйся, пламенный ревнителю Божественныя славы. Радуйся, яко и в последния дни мира имаши проповедывати Истиннаго Бога и обличати окаяннаго антихриста. Радуйся, Илие, великий пророче, Втораго пришествия Христова славный предтече.

Кондак 5

Боготечную тя звезду погасити мняше беззаконная царица Иезавель: исполнившися бо на тя ярости за погубление студныx ея пророков, хотяше убити тя; ожесточися бо сердце ея и не хотяше веровати чудесем твоим, пророче, и познати Истиннаго Бога, поющи Ему: Аллилуиа.

Икос 5

Видевше вси людие Израилевы, по молитве твоей, огнь от Господа с небесе сшедый на жертву твою, всехвальне пророче, и всю ю пожегший, дрова же, и камень, и персть, и воду потребивый, падоша на лица своя, взывающе: «Воистину Господь Бог, Той есть Бог». И вероваша людие Богови, студныя же пророки ты заклал еси. Славяще убо всесильнаго, чудодеющаго Бога, тебе, угоднику Его, глаголем сице: Радуйся, превелие дерзновение ко Владыце всяческих стяжавый. Радуйся, знамении и чудесы Божественную Истину утвердивый. Радуйся, прелесть демонскую посрамивый, истинную же веру прославивый. Радуйся, неверныя истинным боговедением просветивый. Радуйся, трикратным лиянием на жертвенник воды, тайну Пресвятыя Троицы явивый. Радуйся, яко все естество сущих тебе повиновася, огнь же и вода тебе служаху. Радуйся, Илие, великий пророче, Втораго пришествия Христова славный предтече.

Кондак 6

Проповедник истиннаго боговедения и благочестия явился еси, пророче, не токмо во Израили, но и в стране язычестей, послан быв от Господа в Сарепту Сидонскую к жене вдовице препитатися, паче же да саму ту препитаеши в гладе: имея бо велию чудотворения благодать, умножил еси муку и елей в дому ея неоскудно, дондеже прейде гладное время, и трикратным дуновением, по молитве твоей, воскресил еси умершаго сына ея, поя чудодеющему Богу: Аллилуиа.

Икос 6

Возсияв велиею ревностию по Бозе Вседержители, зело скорбел еси, пророче, яко оставиша завет Его сынове Израилевы, олтари Его раскопаша и пророки избиша. Господь же во утешение твое возвести тебе, яко не весь Израиль отступи от Него, но имать седмь тысящ сокровенных рабов Своих, иже не преклониша колена своя Ваалу. Темже, воспоминающе ревность твою по Бозе, поем ти со благоговением сицевая: Радуйся, верный служителю и ближний друже Господень. Радуйся, образе и похвало благочестивых пастырей. Радуйся, наставниче спасения и просвещение во тьме седящих. Радуйся, защитником истины мужество внушаяй, в подвизех же и страданиих за правду их укрепляяй. Радуйся, яко серафимскою пламенною любовию к Богу горел еси. Радуйся, яко и Господь во всем послушаше тебе и по прошению твоему вся творяше. Радуйся, Илие, великий пророче, Втораго пришествия Христова славный предтече.

Кондак 7

Хотя Человеколюбец Господь явити милосердие Свое кающимся грешником, по прошествии прореченнаго гладнаго времене, низпосла по молитве твоей, пророче, и глаголом уст твоих, на жаждущую землю обильный и мирный дождь; сынове же Израилевы, сподобльшиися толикия милости, во умилении сердца благодарственно возопиша Богу: Аллилуиа.

Икос 7

Новое нечестивый царь Ахав к беззаконием своим приложи злодеяние, егда повеле убити неповиннаго Навуфея и восхити виноград его. Сего ради, обличая законопреступнаго царя, прорекл еси ему, пророче, яко идеже умерщвлен бысть Навуфей, тамо и его кровь свинии и пси полижут, и жену его Иезавель снедят пси, и весь дом его истребится. Ведуще убо мы сбывшееся страшное сие проречение, ужасаемся, зовуще: Радуйся, обидящих и жестокосердных грозный отмстителю. Радуйся, сирых и напаствуемых крепкий заступниче. Радуйся, непочитающих святых праздников Православныя Церкве карателю. Радуйся, продерзых хульников имене Божия низложителю. Радуйся, словом обличения, яко громом, беззаконныя поражаяй. Радуйся, будущая, яко настоящая, ведый и дальняя, яко близ сущая, прорицаяй. Радуйся, Илие, великий пророче, Втораго пришествия Христова славный предтече.

Кондак 8

Странное и преестественное показа Господь о тебе, пророче, промышление, егда повеле алчным и нечадолюбивым враном питати тя в гладе при потоце Хорафове, идеже непрестанно пребывая в молитве и богомыслии, воспевал еси Богу: Аллилуиа.

Икос 8

Весь был еси смирением велиим украшен, пророче Божий, сего ради с гордостию пришедших к тебе двух пятдесятоначальников с воины, да приведут тебе к беззаконному царю Охозии, огнем попалил еси, со смирением же пришедшаго к тебе Авдиа, иже питаше ученики пророческия, помиловал еси. Сего ради приносим ти похвальныя песни сия: Радуйся, гордых смирителю и карателю, смиренных же покрове и заступниче. Радуйся, мздоимных судей наказателю, право же судящим помощниче. Радуйся, правоверному воинству во бранех споборниче, нечестивых же супостат низложителю. Радуйся, премудростию, яко бронею, облеченный и правдою, яко щитом, огражденный. Радуйся, ревностию по Бозе, яко мечем, вооруженный и постом, яко крилами, окриленный. Радуйся, верою, яко шлемом спасения, покровенный и любовию, яко венцем пресветлым, венчанный. Радуйся, Илие, великий пророче, Втораго пришествия Христова славный предтече.

Кондак 9

Всякое человеческое естество зело удивляется, како ты, пречудный пророче, шел еси четыредесять дний, ни ядый, ни пияй, до горы Хорива, идеже сподобился еси преславнаго явления и пресладкия беседы Господа Вседержителя, поя Ему: Аллилуиа.

Икос 9

Ветия многовещанныя недоумеют довольно разумети и изъяснити, како ты, великоимените Илие, во плоти сый человечестей и подобострастен нам быв, восхищен еси с телом твоим на небо, явльшейся тебе колеснице огненней с кони огненными. Славяще убо прославльшаго тя Господа и дивящеся восхищению твоему, благоговейно зовем ти: Радуйся, пречудным воздержанием ветхаго человека в себе умертвивый. Радуйся, огнем Божественныя ревности всякое вещественное помышление в себе попаливый. Радуйся, преложением твоим на небо род человеческий возвеселивый и жизнь вечную уверивый. Радуйся, честию и славою преестественною от Бога почтенный и паче всех древних пророков прославленный. Радуйся, от Ангельских ликов в селениих небесных радостно сретенный. Радуйся, яко имя твое во всем мире почитается, и ревность твоя по Бозе зело прославляется. Радуйся, Илие, великий пророче, Втораго пришествия Христова славный предтече.

Кондак 10

Спасти хотя Всеблагий Бог люди Израилевы от прелести Вааловы, избра тя, великий пророче, во орудие воли Своея и облече тя Божественною властию и силою, да обратиши неверныя, исправиши беззаконныя, просветиши омраченныя и научиши всех вопити Богу: Аллилуиа.

Икос 10

Стена и заступление буди нам, пресвяте пророче, мощным твоим ходатайством утоляя праведный гнев Божий, поражающий нас, грешных и непотребных, бездождием и гладом, еще же тлетворными ветры и болезньми, да избавльшеся от бед, благодарственно поем ти: Радуйся, молитвами твоими небо заключаяй и отверзаяй, плодоносие земли и неплодие от Бога посылаяй. Радуйся, предстательством твоим пред Богом дожди мирны и росу животворную на земная прозябения низводяй. Радуйся, свирепыя волны морския и страшныя бури утишаяй и громами и молниями по воле Божией управляяй. Радуйся, тлетворныя ветры и смертоносныя язвы, поражающия человеки же и скоты, укрощаяй. Радуйся, сирых и вдовиц питателю и щедродательных людей покровителю. Радуйся, яко нечестивых хульников и гонителей правыя веры поражаеши и духов злобы от рабов Божиих прогоняеши. Радуйся, Илие, великий пророче, Втораго пришествия Христова славный предтече.

Кондак 11

Пение умиленное приими от нас, пророче Божий Илие, якоже приял еси прошение Елисеево, егда проси от тебе, да будет дух, иже в тебе, сугуб в нем, и егда, восхищаяся на небо, низпустил еси ему милоть твою, юже он взем, раздели, якоже и ты прежде, Иорданския воды, и бысть наследник действовавшия в тебе Божия благодати; сице и нас покрый милотию твоея милости от всяких бед и обстояний, да со благодарением зовем Богу: Аллилуиа.

Икос 11

Светозарное светило во Израили, всехвальне пророче, был еси, сияя равноангельным житием твоим и мудростию, еще же необычною ревностию по Бозе и чудесы преславными, просвещая люди истинным боговедением и разгоняя мрак идолослужения. Темже восписуем ти похвальная, поюще: Радуйся, лучезарная звездо, сиянием своим озарившая всю вселенную. Радуйся, светоносная свеще, непрестанно горящая и во тьме седящих просвещающая. Радуйся, духом премудрости и разума озаренный, духом совета и крепости исполненный. Радуйся, духом ведения и благочестия просвещенный и духом страха Божия напоенный. Радуйся, высокими добродетельми и преславными чудесы преукрашенный. Радуйся, яко суды Божия на земли исполнял еси, пророки же и цари помазывал еси. Радуйся, Илие, великий пророче, Втораго пришествия Христова славный предтече.

Кондак 12

Благодать велия дана ти бысть от Бога, прехвальне пророче, яко в земней жизни твоей пророчествовал и совершал еси дивная чудеса, таже преестественно восхищен был еси с плотию твоею на небо, по восхищении же твоем дивно предстал еси на Фаворе преобразившемуся Господу и с Ним беседовал еси, и до днесь не престаеши чудодействовати и источати милости и исцеления усердно почитающим тя, Богу же верно вопиющим: Аллилуиа.

Икос 12

Поюще твою пламенную ревность по Бозе и равноангельное житие, дивная же твоя и преславная чудеса и превелие благоволение к тебе Господа, восхваляем тя, великоимените пророче Илие, обаче, не могуще достойно изобразити величие и славу твою, со умилением зовем ти сицевая: Радуйся, ковчеже Божественныя славы и всечестный храме Пресвятыя Троицы. Радуйся, светильниче невечерний Церквей и благовонный цвете рая Божественнаго. Радуйся, благочестивых пустынников руководителю, девственников же наставниче и укрепление. Радуйся, яко грешников к покаянию возбуждаеши и всему роду христианскому жизнь вечную ходатайствуеши. Радуйся, яко во светлостех святых неизреченныя славы наслаждаешися и непрестанно Господа славословиши. Радуйся, яко в конце времен велия знамения и чудеса имаши совершити на утверждение людей во истинней вере и на обличение антихриста. Радуйся, Илие, великий пророче, Втораго пришествия Христова славный предтече.

Кондак 13

О предивный и преславный пророче Божий Илие, превелий ревнителю по Бозе, дожди и бездождие, плодоносие на землю и неплодие от Бога посылаяй! Услыши сие малое, благоговейно приносимое тебе нами моление и твоим теплым ко Господу предстательством сохрани нас от бездождия, глада и смертоносных болезней, подаждь же нам благорастворение воздуха и плодоносие, и дух правыя веры и благочестия, да избавльшеся от вечных мук, сподобимся райскаго блаженства, поюще Богу: Аллилуиа.

(Этот кондак читается трижды, затем икос 1 и кондак 1).

Молитва

О прехвальный и пречудный пророче Божий Илие, просиявый на земли равноангельным житием твоим, пламеннейшею ревностию по Господе Бозе Вседержителе, еще же знамении и чудесы преславными, таже, по крайнему благоволению к тебе Божию, преестественно восхищенный на огненней колеснице с плотию твоею на небо, сподобльшийся беседовати с преобразившимся на Фаворе Спасителем мира, и ныне в райских селениих непрестанно пребываяй и предстояй Престолу Небеснаго Царя! Услыши нас, грешных и непотребных, в час сей предстоящих пред святою твоею иконою и усердно прибегающих к ходатайству твоему. Моли о нас Человеколюбца Бога, да подаст нам дух покаяния и сокрушения о гресех наших и всесильною Своею благодатию да поможет нам оставити пути нечестия, преспевати же во всяком деле блазе; да укрепит нас в борьбе со страстьми и похотьми нашими; да всадит в сердце наше дух смирения и кротости, дух братолюбия и незлобия, дух терпения и целомудрия, дух ревности к славе Божией и спасению ближних. Упраздни молитвами твоими, пророче, злыя обычаи мира, паче же погибельный и тлетворный дух века сего, заражающий христианский род неуважением к Божественней Православной вере, к уставом Святыя Церкве и к заповедем Господним, непочтением к родителем и властем предержащим, и низвергающий людий в бездну нечестия, развращения и погибели. Отврати от нас, пречудне пророче, предстательством твоим праведный гнев Божий и избави вся грады и веси Отечества нашего от бездождия и глада, от страшных бурь и землетрясений, от смертоносных язв и болезней, от нашествия врагов и междоусобныя брани. Испроси, пророче Божий, от Господа пастырем нашим святую ревность по Бозе, сердечное попечение о спасении пасомых, мудрость во учении и управлении, благочестие и крепость во искушениих, судиям испроси нелицеприятие и безкорыстие, правоту и сострадание к обидимым, всем начальствующим попечение о подчиненных, милость и правосудие, подчиненным же покорность и послушание ко властем и усердное исполнение своих обязанностей; да тако в мире и благочестии поживше в сем веце, сподобимся причастия вечных благ в Царствии Господа и Спаса нашего Иисуса Христа, Емуже подобает честь и поклонение со безначальным Его Отцем и Пресвятым Духом во веки веков. Аминь.

ЖИТИЕ

Святой пророк Божий Илия принадлежит к числу наиболее прославленных Богом мужей благочестия ветхозаветной Церкви. Его служение в Израиле происходило за восемь с половиной столетий до Рождества Христова. Родился он в Фесфии Галаадской, в колене Левиином и, по церковному преданию, на которое ссылается святитель Епифаний Кипрский, отец новорожденного видел Ангелов Божиих, пеленавших младенца огнем и влагавших в уста его пламень. Во времена распространения крайнего нечестия в Израиле при царе Ахаве «восстал Илия пророк как огонь, и слово его горело как светильник» (Сир. 48, 1). Пророк мужественно и с великой ревностью противостоит культу Ваала, начало распространения которому было положено вскоре после смерти царя Соломона, когда его царство разделилось на Израиль и Иудею. Цари Израиля, боявшиеся утратить власть, стремились оторвать свой народ от Иерусалимского храма. Такое отделение вело к забвению израильтянами Единого Бога и замене Его языческими богами.

Мера беззакония исполнилась при царе Ахаве, который в угоду жене-язычнице Иезавели построил в столице Израиля Самарии храм и жертвенник Ваалу и устроил дубраву в честь Астарты. Иезавель, будучи дочерью языческого жреца и фанатичной идолопоклонницей, истребляла пророков Господних и содержала при своем дворе большой штат служителей нового культа.

«Многие волхвования Иезавели» (4 Цар. 9, 22) и пророков Ваала, а также чувственность их культа развратили израильтян. В этот момент и выступил на свое служение пророк Илия. Он предстал перед царем Ахавом и объявил, что в посрамление нечестивого культа изобилия и в наказание за него не будет ни дождя, ни росы на земле и засуха прекратится только по молитве самого пророка. Слова, произнесенные пророком Илией, заключили небо, и народ начал страдать от нестерпимого солнечного зноя и голода. Пророчество особым образом связало жизнь самого Илии с жизнью окружающего мира — в случае гибели пророка все живое погибло бы от засухи.

Господь по своему милосердию послал пророка Илию в сокровенное место у потока Хораф, сохраняя его там от рук Иезавели, и вороны приносили пророку пищу. Через год поток Хораф высох от бездождия, но не уменьшилась ревность пророка, горевшего желанием истребить всех беззаконников и возвратить израильтян к истинному Богопочитанию. Тогда Господь посылает пророка Илию за пределы Израиля, в Сарепту Сидонскую, к бедной вдове, ожидавшей вместе с детьми голодной смерти. Чтобы накормить пришедшего к ней пророка, Сарептская вдова отдает ему свой последний кусок хлеба, и пророк Илия совершает два чуда по вере ее. Запасы хлеба и масла в доме вдовы сделались неиссякаемыми, а ее умерший сын был воскрешен.

По прошествии трех с половиной лет засухи Господь послал пророка Илию к царю Ахаву для прекращения бедствия. Царь, не перестававший разыскивать Илию в Израиле и за его пределами, был удивлен приходом пророка и выполнил его повеление собрать весь израильский народ и всех служителей Ваала. Когда израильтяне и пророки Ваала собрались на горе Кармил, название которой означало «виноградник Божий», пророк Илия сказал народу: «Долго ли вам хромать на оба колена? Если Господь есть Бог, то последуйте Ему, а если Ваал, то ему последуйте» (3 Цар. 18, 21). Народ молчал, сознавая неправильность своего богопочитания и свое незнание того, кто есть Господь. Тогда пророк Илия в знамении дает Израилю откровение о Боге, предвосхищающее события новозаветного времени. Он предлагает привести Господу две жертвы всесожжения — одну от себя, а другую от пророков Ваала. Жертва всесожжения в Израиле приносилась людьми, уже примиренными с Богом посредством жертв очищения. Она выражала полноту предания себя Богу и прообразовала всесовершенную жертву Христову. Но существом предложения пророка Илии было отсутствие огня на жертвеннике, чтобы Сам Господь огнем с неба освятил и потребил угодную Ему жертву.

Первыми приступили к жертвоприношению пророки Ваала: они взывали к идолу с утра до вечера, но напрасно — небо молчало. Когда подошло время вечернего жертвоприношения, пророк Илия воздвиг жертвенник Господень из 12 камней, по числу колен Израилевых, окружил его рвом, возложил жертву на дрова и, знаменуя тайну Пресвятой Троицы, приказал трижды возливать на жертвенник воду, приносимую к нему четырьмя водоносами. И когда вода полилась вокруг жертвенника, отовсюду окружив его, святой пророк воззвал: «Господи Боже Авраама, Исаака и Иакова! Услыши меня, Господи, услышь меня ныне в огне! Да познают все люди сии, что Ты Един Бог Израилев и что я раб Твой и сделал все по слову Твоему». Велика была верность Господу пророка Илии, велика была и сила его молитвы. «Ниспал огонь Господень и пожрал всесожжение и дрова и камни и прах и поглотил воду, которая во рве» (3 Цар. 18, 38), и весь народ, видя происходящее, упал на лица свои и сказал: «Воистину Господь есть Бог». Тогда пророк Илия повелел схватить всех служителей Ваала, умертвил их у потока Киссон, после чего по молитве пророка небо отверзлось и пошел обильный дождь.

Царь Ахав осознал свое заблуждение и оплакал грехи, но жена его Иезавель, узнав о том, что произошло на горе Кармил, стала добиваться смерти пророка Божия, и Илие пришлось вновь покинуть Израиль. Он пришел в пустыню и, видя, что даже великие чудеса не могут обратить народ, стал просить себе у Бога смерти. «Довольно уже, Господи, — говорил Илия, — я не лучше отцов моих!». Но Господь уготовил для Своего верного служителя «путь, еще превосходнейший» (1 Кор. 12, 31) и послал Ангела Своего подкрепить Илию пищей перед предстоящей ему дорогой. Затем пророк в посте и молитве шел 40 дней и ночей к горе Божией Хорив, на которой Господь заключил завет с Израилем. На священной горе пророк Илия остро ощущал оставление завета израильтянами и скорбел о том, что попускается беззаконие и поношение пресвятого имени Господня. Не вполне постигая Промысл Божий о спасении мира, он говорил Богу: «Остался я один из Твоих пророков, но и моей души ищут, чтобы отнять ее». Тогда Господь явил пророку Илии Свое совершенство. Своему грозному пророку, желавшему погибели всех нечестивых, Господь явился не в буре, не в землетрясении, и не в огне — все эти страшные знамения всемогущества Божия только предваряли явление Господне — но в веянии тихого ветра. Блаженный Феодорит говорил, что тем самым Господь открыл пророку Илии, что Он за лучшее признал управлять родом человеческим с кротостью и долготерпением. При этом Бог открыл Своему пророку, что Он сохранил в Израиле семь тысяч мужей, не поклонившихся Ваалу и повелел Илии предназначить на израильское царство достойного мужа по имени Ииуя, а юношу Елисея помазать во пророка — преемника себе.

Пророческое служение святого пророка Илии продолжалось еще несколько лет и завершилось его восхождением на Небо в огненной колеснице. Пророк Елисей, видя огненное вознесение Илии во плоти, воскликнул: «Отец мой, колесница Израиля и конница его!» Жизнь святого пророка Илии описывается в Ветхозаветных книгах (3 Цар.; 4 Цар.; Сир. 48, 1-15; 1 Мак. 2, 58). Во время Преображения Господня на горе Фавор святые Апостолы видели пророка Илию беседовавшим со Спасителем о Его исходе в Иерусалиме (Лк. 9, 30). По преданию Святой Церкви, пророк Илия будет Предтечею Страшного Второго Пришествия Христа на землю и, приняв во время проповеди телесную смерть, уже не только как пророк, но и как мученик, удостоится в лике святых большей, чем теперь, чести и славы от праведного Мздовоздателя Бога.

Русская Православная Церковь свято чтит пророка Илию. Первая церковь, построенная в Киеве, была во имя пророка Илии. После Крещения святая равноапостольная княгиня Ольга построила храм пророка Илии у себя на родине, в селе Выбуты.

Иконописная традиция изображает пророка Илию возносящимся на колеснице с огненными колесами, которая окружена со всех сторон пламенем и запряжена четырьмя крылатыми конями.

Святому пророку Божию Илии молятся при бездождии или засухе, а также для охранения от голода и преследований.

Оставьте коментарий: “Акафист с житием святому пророку ИЛИИ

Добавить комментарий

Ваш e-mail не будет опубликован. Обязательные поля помечены *